1. SAB SE AOLA WOH AALA HAMARA NABI
2. DUSHMAN-E AHMAD PE SHIDDAT KIJIYE
3. SARWAR KAHOON KE MAALIK-O MAWLA KAHOON TUJHE
4. CHAMAK TUJH SE PAATE
5. LUTF UNKAA AAM HO HI JAAYEGAA
6. ARSH KI AQL DANG HE CHARKH ME ASMAAN HE
7. KARORON DUROOD
8. PHIR KE GALI GALI TABA
9. ARSHE HAQ HE MUSNADE RIF'AT RASOOLULLAH KI ZAMMINO ZAMAAN
10. ZAMMINO ZAMAAN
11. UTHADO PARDA DIKHADO CHEHRA
12. SUBHA TAYBAA MEIN HUWEE BAT-TAA HE BAARA NUUR KAA
13. UNKI MAHEK NE DIL KE GHUNCHE KHILA DIYE HAIN
14. HE KALAAME ILAHI ME SHAMSO DOHA
15. ZEHE IZZAT-O ITLAAYE MUHAMMAD
16. NE’AMATEIN BAANT TA JIS SIMT WOH ZEESHAAN GAYA
17. WAAH KYA JOODO KARAM
18. HAAJIYO AAWO SHAHENSHAHA KA RAWZA DEKHO
19. TOO HE WOH GHOUS KE HAR GHOUS HE SHAIDA TERA (Manqabat) on Sultaanul Awliya, Ghous-e-A’zam, Hadrat Sheik Abdul Qaadir Jilani - alaihir rahmah
1. SAB SE AOLA WOH AALA HAMARA NABI
Sab se aola woh aala hamara Nabi
Sab se baala woh aala hamara Nabi
Apne Moula ka pyara hamara Nabi
Dono aalam ka Doola ha hamara Nabi
Bazme Aakhir ka Shama faroza huwa
Noore awwal ka jalwa hamara Nabi
Buj gayi jis ke aage sabhi mash’ale
Shamma woh lekeh aaya hamara Nabi
Jis ke talwon ka dohwan he aabe Hayaat
He woh jaane Maseeha hamara Nabi
Khalqe se Awliya Awliya se Rusool
Aur Rasoole se aala hamara Nabi
Jaise sab ka Khuda ek he waise hi
In ka un ka thumhara hamara Nabi
Kawn deta he dene ko muh chahiye
Dene waala he sacha hamara Nabi
Kya khabar kitne taare khile chup gaye
Par na doobe na dooba hamara Nabi
Saare ooncho meh ooncha samaj he jisse
He oos oonche se ooncha hamara Nabi
Ghum zadoh ko Raza mushda dije ke he
Be kason ka sahara hamara Nabi
2. DUSHMAN-E AHMAD PE SHIDDAT KIJIYE
Dushman-e Ahmad pe shiddat kijiye
Mulhidon ki kya murrawat kijiye
Zikr unka cheriye har baat me
Cherna Shaytaan ka aadat kijiye
Misl-e Fars zalzalay hoon Najd mein
Zikr-e Aayaat-e Walaadat kijiye
Ghaiz mein jal jaa-ein be Deeno ke dil
Yaa Rasool Allah ki Kasrat kijiye
Kijiye charcha unhee ka subh-o shaam
Jaan-e Kaafir par Qayamat kijiye
Shirk thehre jis mein ta’zeem-e Habeeb
Us bureh mazhab pe laanat kijiye
Zaalimo! Mahboob ka haqq tha yehi
Ishq ke badle adaawat kijiye
Ghaus-e-Azam aap se faryaad he
Zinda phir ye paak Millat kijiye
Mere Aaqa Hazrat Ach’che Mia
Ho Raza Ac’cha wo Soorat kijiye
3. SARWAR KAHOON KE MAALIK-O MAWLA KAHOON TUJHE
Sarwar kahoon ke Maalik-o Mawlaa kahoon tujhe
Baaghe Khaleel kaa gul-e zaybaa kahoon tujhe
Hirmaan naseeb hoon tujhe ummeed gah kahoon
Jaane muraado kaane tamanna kahoon tujhe
Gulzaar-e Quds ka gul-e rangeen adaa kahoon
Darmaan-e dard-e bulbul-e shaydaa kahoon tujhe
Subhe watan pe shaam-e ghareeban ko doon sharaf
Bekas nawaaz gesu-on waalaa kahoon tujhe
Allah re! tere jisme munawwar ki taabishen
Ay jaan-e jaan main jaane tajalli kahoon tujhe!
Mujrim hoon apne afwo ka saamaan karoon shahaa,
Yaanee Shafee rooz-e jazaa ka kahoon tujhe!
Is murdah dil ko murshda Hayaat-e abad ka doon
Taab-o tawaan-e jaan-e Maseeha kahoon tujhe
Tere to wasf ayb-e tanaahee se hain baree
Hayraan hoon mere shaah main kya kya kahoon tujhe
K`eh legi sab kuch unke sanaa khwaan ki khaamashee
Chup ho rahaa he keh ke main kya kya kahoon tujhe
Lekin Raza ne khatm-e sukhan oos pe kardiya
Khaaliq ka banda Khalq ka aaqaa kahoon tujhe!
4. CHAMAK TUJH SE PAATE
Chamak tujh se paate he sub paane waale
Mera dil bhi chamka de chamkaane waale
Barasta nahin dekh kar abre Rehmat
Badon par bhi barsa de barsaa ne waale
Madine ki khit’te Khuda tujh ko rakhe
Gareebon Faqeeron ke tahraane waale
Too zinda he Wal’llah too zinda he Wal’llah
Mere chasme aalam se chup jaane waale
Me mujrim hoo Aqaa mujhe saath le lo
Ke raste me he jaa baja thaane waale
Haram ki zami aur qadam rakh ke chalna
Ar’e sar ka mouqa he au jaane waale
Tera kahaa he tere Ghulamo se uljhe
He munkir ajab khaane ghur’raane waale
Rahe ga yunaheen unka charcha rahega
Pare khaak hojaye jaljane wale
Raza nafs dushman he dum me na aana
Kahaa too ne dekhe he chand raane waale
5. LUTF UNKAA AAM HO HI JAAYEGAA
Lutf unkaa aam ho hi jaayegaa
Shaad har naa kaam ho hi jaayegaa
Jaan de do wadah-e deedaar par
Naqd apnaa daam ho hi jaayegaa
Yaad rah jaayegi ye bebaakiyaa
Nafs too to raam ho hi jaayegaa
Be nishaano ka nishaan mittaa nahi
Mitte mitte naam ho hi jaayegaa
Saahilo daaman sakhi ka thaam lo
Kuch na kuch in’aam ho hi jaayegaa
Yaad-e abroo kar ke tarpo bulbulo
Tukre tukre daam ho hi jaayegaa
Mufliso un ki galee mein jaa paro
Baagh-e khuld ikraam ho hi jaayegaa
Gham to un ko bhool kar liptahe yoon
Jaise apna kaam ho hi jaayegaa
Ab to laayee he Shafaa’at ‘afwo par
Barte barte aam ho hi jaayegaa
Ay Raza har kaam ka ik waqt he
Dil ko bhi aaraam ho hi jaayegaa
6. ARSH KI AQL DANG HE CHARKH ME ASMAAN HE
Arsh ki aql dang he charkh me Asmaan he
Jaane muraad ab khidar ha ye tera Makan he
Arsh pe jaa ke murg aql thak ke gira ghash aagaya
Aur abi manzilo pare pehla hi astaana he
Arsh pe taaza cher chaar farsh me turf dhoom dhaam
Kaan jidhar laga’iye tere hi Dastaan he
Wo jo na the to kuch na tha wo jo na ho to kuch na ho
Jaan he wo jahaan ki jaan he to jahaan he
Khauf na rakh Raza zara too to he Abde Mustapha
Tere liye amaan he tere liye amaan he
7. KARORON DUROOD
Kaabe ke Badru duja tumpe karoron Durood
Taiba ke Shamsud Duha tumpe karoron Durood
Shaafa’e Roza Jazaa tumpe karoron Durood
Daafa’e jumla balaa tumpe karoron Durood
Dil karo thanda mera woh kaffe paa chaand sa
Seene pe rakhdo zaraa tumpe karoron Durood
Aur koyee Ghayb kya tum se Nihaan ho bhalaa
Jab na Khudaa hi Chupaa tumpe karoron Durood
Wo Shabbe Me’raj raaj woh safe Mehshar ka Taaj
Koyee bhi aisa howa tumpse karoron Durood
Kar ke tumhare Gunaah mange tumhee se Panaah
Tum kaho Daaman me aa tumpe karoron Durood
Tum ho Haafiz-o-Mughees kya he woh Dushman Khabees
Tum ho to phir khauf kya tumpe karoron Durood
Ek taraf A’daa’e Deen ek taraf he Haasideen
Banda he tanha Shaha tumpe karoron Durood
Hum ne khataa me na ki tum ne ataa me ki
Koyi kami sarwaraa tumpe karoron Durood
Aankh ataa kijiye us me ziya dijiye
Jalwa qareeb aa gaya tumpe karoron Durood
Kaam wo le lijiye tum ko jo Raazi kareh
Theek ho naame Raza tumpe karoron Durood
8. PHIR KE GALI GALI TABA
Phir ke gali gali tabaah tokare sab ki khayen kyoon
Dil ko jo akal de Khuda teri gali se jayen kyoon
Ruqsate kaafila ka shor gashse hamme uthae kyoon
Sote hain Unke Sayen mein koyi hamme jagaaye kyoon
Yaaden Huzoor ki Kasam gaflate aish he sitam
Khoob hai qaide ghum mein hum koyee hamme churae kyoon
Dekh ke Hazrate Gani phel pare Faqeer bhi
Chaayi he ab to chauni Hashr hi aana jae kyoon
Jaan he Ishqe Mustafa roz fizoo kare Khuda
Jis ko ho dard ka mazaa naaze dawan uthae kyoon
Woh jo nathe to kuch natha woh jo naho to kuch naho
Jaan he woh jahan ki, jaan hai to jahaan hai
He to Raza nira Sitam jurm pe gar lajaaye hum
Koyee bajaaye soze gam saze tarab bajaaye kyoon
9. ARSHE HAQ HE MUSNADE RIF'AT RASOOLULLAH KI
Arshe Haq he musnade rif’at Rasoolullah ki
Dekhni he Hashr me Izzat Rasoolullah ki
Qabr me lehraa-e-ge tha Hasr chashme noor ke
Jalwah farmahogi jab tal’at Rasoolullah ki
Laa Wa Rabbil Arsh jisko jo mila Unse mila
Bat’ti he Kownain me neh’mat Rasoolullah ki
Wo Jahannum me gaya jo Unse mustaghni huwa
He Khalleelullah ko haajat Rasoolullah ki
Sooraj ulthe paa-ow palthe chaand ishaare se ho chaak
Undhe Najdi dekhle Qudrat Rasoolullah ki
Tujhse aur Jannat se kya matlab Wahabi door ho
Hum Rasoolullah ke, Jannat Rasoolullah ki
Hum bhikaari Wo Kareem, Unka Khudaa Unse fizoo
Aur naa kehna nahee Aadat Rasoolullah ki
Ahle Sunnat ka he beraah paar Ashaabe Rasool
Najm he aur Naaho he Itrat Rasoolullah ki
Looth jaa-ege ghunaagaro ke fawrun qaid-o-bund
Hashr ko khuljaaegi Taaqat Rasoolullah ki
Ya Rabb ik saa’at me dhul jaa-e siyaakaro ke jurm
Josh par aajaaye ab Rehmat Rasoolullah ki
Eh Raza khud Saahibe Quraa he mud’daahe Huzoor
Tujhse kab moumkin he phir midhat Rasoolullah ki
10. ZAMMINO ZAMAAN
Zammino Zamaan tumhare liye
Makino Makan tumhare liye
Chunino Chuna tumhare liye
Bane do jahan tumhare liye
Dahan me zuban tumhare liye
Badan me he Jaan tumhare liye
Hum aye Yahan tumhare liye
Uthe bhi Wahan tumhare liye
Farishte Khidam Rasoole Hashm
Tamame Umam Ghulame karam
Wajoodo Adam Haduso kidam
Jahan me aya tumhare liye
Kalimo Naji Masiho Safi
Khalilo Razi Rasoolo Nabi
Atiko wasi Gani-o-Ali
Sana ki Zuban tumhare liye
Asaalate kul Imaamate kul
Siyaadate kul Imaarate kul
Hukoomate kul Wilayate kul
Khuda ke Yahan tumhare liye
Tumhari Chamak tumhari Damak
Tumhari Jhalak tumhari Mahak
Zammino Falak Simako Samak
Me sikka rawa tumhare liye
Ye Shamso Kamar ye Shaamo Shar
Ye bargo sajar ye baago samar
Ye tewo sipar ye Taajo kamar
Ye hukme Rawan tumare liye
Na Roohe Ami na Arshe bari
Na Laohe Mobin koyee bi kahin
Khabar hi nahin jo Ramz khile
Azal ki Nihan tumhare liye
Jina me Chaman Chaman me Saman
Saman me Phaban Phaban me Dulhan
Sazaa’e Mahan par aise Minan
Ye amno amaa tumhare liye
Khalilo Naji Masiho Safi
Sabhi se kahin kahin bhi banin
Ye be-khabari ke Khalk phiri
Kahan se kahan tumhare liye
Ishaare se Chand chir diya
Doobe huwe Khud ko pher liya
Gaye huwe Din ko Asr kiya
Ye Taabo Tawaan tumhare liye
Sabbah woh chale ke Baag phale
Wo Phool khile ke din ho bhale
Liwa ke tale Sana me khule
Raza ki zuban tumhare liye
11. UTHADO PARDA DIKHADO CHEHRA
Uthado Parda dikhado Chehra
Ke Noore bari hijab me he
Zamaana taarikh ho rahaa he
Ke mehr kab se naqaab me he
Unhiki boo ma ya saman he
Unhi ka Jalwa chaman chaman he
Unhi se Gulshan mehak rahe he
Unhi ki rangat ghulab me he
Khare he Munkar Nakir sar par
Na koyee haami na koyee yaawar
Batado aakar mere Payambar
Ke sakht mushkil jawab me he
Khuda-e kah’har he gazab par
Khule he badkaariyo ke Daftar
Bachaalo aakar Shafi-e Mehshar
Tumhara banda azaab me he
Kareem aisa mila ke jiske
Khule he haath aur bhare khazaane
Batao-e mufliso ke phir kyoon
Tumhara dil iztaraab mein he
Karim apne karam ka Sadqa
Laim beqadr ko na sharma
Too aur Raza se Hisaab lena
Raza bhi koyee Hisaab me he
12. SUBHA TAYBAA MEIN HUWEE BAT-TAA HE BAARA NOOR KAA
Subha Taybaa mein huwee bat-taa he baara Noor ka
Sadqa lene Noor ka aaya he taara Noor ka
Baagh-e Taybaa mein Suhaana phool phoola Noor ka
Mast boo he bulbule parti he Kalma Noor ka
Baarahween ke Chaand ka mujraa he Sajdah Noor ka
Baarah Burjon se Jhukaa ik ik Sitaara Noor ka!
Aayee Bid’at chaayi zulmat rang badlaa Noor ka
Maahe Sunnat mahr-e Tal’at le le badla Noor ka
Tere hi Maathe rahaa ay jaan Sahraa Noor ka
Bakht jaaga Noor ka chamkaa Sitaara Noor ka
Mein Gadaa Tu Baadshah bhar de piyaala Noor ka
Noor din duunaa teraa dedaal Sadqa Noor ka
Taaj Waale dekh kar tera Imaama Noor ka
Sar jhuka te hain Ilaahi bol baalaa Noor ka
Sham’a dil mishkaat tan Seenaa zujaajah Noor ka
Teri Soorat ke liye aayah he Surah Noor ka!
Too he Saayaa Noor ka har ‘uzw tukra Noor ka
Saaya ka Saaya na hota he na Saaya Noor ka!
Teri Nasl-e Paak mein he Bachcha Bachcha Noor ka
Too he ‘ayn-e-noor tera sab Gharaana Noor ka!
Chaand jhuk jaata jidhar Unglee uthaate Mahd mein
Kyaa hi chaltaa thaa Ishaare par Khilawnaa Noor ka
Ay Raza ye Ahmed-e Noori ka Fayz-e Noor he
Ho gayee meri Ghazal bar kar Qaseeda Noor ka!
13. UNKI MAHEK NE DIL KE GHUNCHE KHILA DIYE HAIN
Unki mahek ne dil ke Ghunche khila diye hain
Jis raah chal diye hain Koochey basa diye hain
Jab aa gayi he joshe rehmat pe unki ankhen
Jalte bhujha diye hain rote hasa diye hain
Ik dil hamara kya he aazaar uska kitna
Tum ne to chalte phirte moorde jila diye hain
Unke nisaar koyee kaise hi runj mein ho
Jab yaad agaye hain sab gham bhula diye hain
Aane do ya dubo do ab to Tumhari Jaanib
Kashti tumhi pe chori Langar utha diye hain
Dulha se itna kehdo pyare sawari roko
Mushkil mein hain Baraati poorkhaar bada’iye hain
Allah kya Jahannam ab bhi na sard hoga
Ro ro ke Mustafa ne darya baha diye hain
Mere Kareem se gar qatra kisi ne maanga
Darya baha diye hain dur be baha diye hain
Mulke sukhn ki shahi tum ko Raza musallam
Jis simt agaye hoon sikke bitha diye hain
14. HE KALAAME ILAHI ME SHAMSO DOHA
He Kalaame Ilahi me Shamso Doha
Tere Chehra-e Noor fiza ki Kasam
Kasame Shabbe taar me raaz ye tha
Ke Habeeb ki Zulfe Dota ki Kasam
Tere Khulk ko Haq ne Azim kahan
Teri Khalk ko Haq ne Jameel kiya
Koyee tujsa huwa he na hoga shaha
Tere khaleke Husno ada ki Kasam
Wo Khuda ne he martabe tujko diya
Na kisi ko mile na kisi ko mila
Ke Kalaame Majid ne kaha hi shaha
Tere Shehro Kalaamo Bakaa ki Kasam
Tera Masnade Naaz he Arshi bari
Tera Mehrame Raaz he Roohi ami
Toohi Sarware har do jahan he shaha
Tera misl nahin he Khuda ki kasam
Yehi arz he Khaaleke arzo samaan
Woh Rasool he tere me bandaa tera
Muje unke jawaar me de wo jagaa
Kahe Khuld ko jiski safa ki Kasam
Toohi bando pe kar ta he lutfo ata
He tujhi pe barosa tujhi se Dua
Mujhe Jalwaa Paake Rasool dhika
Tujhe apne hi izzo ula ki Kasam
Yehi kehti he Bulbule baage jinaa
Ke Raza ki tara koyee sehr bayan
Nahin Hind me wasife shahe hoda
Mujhe shokhi-e Tabi Raza ki Kasam
15. ZEHE IZZAT-O ITLAAYE MUHAMMAD
Zehe Izzat-o itlaaye Muhammad
Ke he Arsh-e-Haqq zer-e-paaye Muhammad
Makaan Arsh unka falak farsh inka
Malak khaadmaan-e-saraaye Muhammad
Khuda ki Raza chaahata hain do Aalam
Khuda chaahata he Razaaye Muhammad
Ajab kya agar raham farmaaye hum par
Khudaaye Muhammad Baraaye Muhammad
Muhammad baraaye Janaab-e-Ilaahi
Janaab-e-Ilaahi Baraaye Muhammad
Dam-e-nazaa’ jaari ho meri zabaan par
Muhammad Muhammad Khudaaye Muhammad
Mein qurbaan kya pyaari pyaari he nisbat!
Yeh aan Khuda woh Khudaaye Muhammad
Khuda unko kis pyaar se dekhta he
Joh aankhein hein mah-we-liqaaye Muhammad
Ijaabat ka sehra Inaayat ka jawra
Dulhan ban ke niklee Duaaye Muhammad
Raza pul se ab Wajd karte guzrehes
Ke he Rabbi Sallim Sadaaye Muhammad
16. NE’AMATEIN BAANT TA JIS SIMT WOH ZEESHAAN GAYA
Ne’amatein baant ta jis simt woh zeeshaan gaya
Saath hi munshiaey rehmat ka qalam daan gaya
Le khabar jald ke ghairon ki taraf dahyan gaya
Mere Maula mere Aqa tere qurbaan gaya
Aah woh aankh ke nakaame tamanna hi rahi
Hai woh dil jo tere dar se pur arman gaya
Dil he woh dil jo teri yaad se ma’moor raha
Sar he woh sar jo tere Qadmon pe qurbaan gaya
Unhein jana unhen mana na rakhha ghair se kaam
Lillah hil Hamd mein Duniya se Musalman gaya
Aur tum par mere Aaqa ki Inayat na sahi
Najdiyo Kalmah parhane ka bhi ehsaan gaya
Aaj le unki Panah aaj madad maang unse
Phir na maanege Qayamat mein agar maan gaya
Jaano dil hosho khirad sab to Madine pahonche
Tum nahin chalte Raza sara to samaan gaya
17. WAAH KYA JOODO KARAM
Waah kya jood-o-karam he shaah-e-bathaa tera
Nahi sunta hi nahi maangne waala tera
Asmaa kahaa zami kahaa zamaana mehmaan
Saahibe khanna laqab kis ka he tera tera
Farsh waale teri shoukat ka uloo kya jaane
Khus rawa arsh pe urta he phir yaraa tera
Meh to Maalik hi kahunga ke ho Maalik ke Habeeb
Yani Mahboob-o-muhib me nahi tera mera
Tere qadmon mein jo hain ghair ka munh kya dekhein
Kon nazro me juke dekh ke talwa tera
Ek mein kya mere isyan ki Haqiqat kinti
Mujh se so lakh ko kaafi he ishara tera
Tere Sadqe tujhe ekh boond bohat he teri
Jis din achchon ko mile jaam chalak ta tera
Teri Sarkaar me laata he Raza us ko Shafee
Jo mera Ghaus he aur laadala beta tera
18. HAAJIYO AAWO SHAHENSHAHA KA RAWZA DEKHO
Haajiyo aawo Shahenshaha ka Rawza dekho
Kaaba to dekh chuke Kaabe ka Kaaba dekho
Rukhne Shaami se mithi wah’shate shaame gurbat
Ab Madine ko chalo subhe dil aaraa dekho
Aabe Zam-Zam to piyaa khoob bujaa-ee pyaase
Aawo joode Shahe Kowsar ka bi darya dekho
Zayre Mizaab mille khoob Karamke cheenthe
Abre Rehmat ka yaha zowr barasnaa dekho
Khoob aankho se lagaaya he Ghilaafe Kaaba
Kasre Mehboob ke parde ka bhi jalwah dekho
Zeenate Kaaba me tha laakh ardeso ka banawa
Jalwa farma yaha kownain ka doolhaa dekho
Dhochuka zulmate dil bosaa-e sunghe Aswad
Khaak bosi-e-Madina ka bhi Rutbaa dekho
Jum’ma-e Makkah tha Eid, Ahle Ibaadat keliye Mujrimo!
Aawo yaha Eide do Shaneba dekho
Raqse Bismilki bahaare to Minaa me dekhe
Dil khonaa be Fishaa ka bhi Tarapna dekho
Ghowr se soun to Raza Kaaba se aati he sadaa
Meri aankho se mere Pyaare ka Rowzaa dekho
19. TOO HE WOH GHOUS KE HAR GHOUS HEH SHAIDA TERA
Too he woh Ghous ke har Gous he shaida tera
Too he woh Gais ke har Gais he payasa tera
Suraj aglow ke chamakte te chamak kar dubeh
Ufaq Noore pe he Mahr hamesha tera
Murg sab bolte he bol ke chup rehte heh
Ha aseel ek nawasanj rahe ga tera
Jo Wali qabal te ma baad howe ya hoonge
Sab adab rakteh he dil me mere aaka tera
Tujse aur dahar ke Aqtaab se nisbat kaisi
Qutub khud koon he khadim tera chela tera
Saare Aqtaabe jaha karte he Kaabe ka Tawaaf
Kaaba karta he Tawaafe dare wala tera
Too he nausha baraati he ye saara gulzaar
La’ee he fasle saman goondh ke sehra tera
Daaliyah jhoomti he raqse khushi joush pe he
Bulbule jholti he gaathi he sehra tera
Geet kaliyo ki chatak gazle hazaaro ki chahak
Baagh ke saazo me bajta he tarana tera
Kis ghulistaan ko nahin fasle bahari se niyaaz
Kaun se silsile meh faiz na ayaa tera
Heh Raza yoon na balak to nahein jayyad to na ho
Sayyidi Jayyad har dahar he Maula tera |